北海道三文魚子蟹蟹之旅2009 - Day 8 完結篇

6 月 5 日

旅程的最後一天, 朝早食過早餐, 最後"沖廁"西武, loft, 東急.

上次無行東急, 原來東急玩具果層有wachifield counter, 粉絲們記住到此一遊呀.

最後午餐, 跟從老友一號的吩咐, 到Stellar Place 6/F食根室花XX回転壽司

成層食肆, 最多人排隊就係呢間, 好彩有時間, 不然就無機會試了,

亦都因為咁多人等, 小市民心態, 一定係好野, XX先肯等咋!

最後等左 20分鐘左右啦, 但午飯時間, 等得唔算耐了.

這間壽司都唔錯呀, 都唔算貴, 兩個人食左二百零蚊, OK啦!

食飽返酒店取行李, 一心出到機場先買我至愛的芝士蛋糕返屋企慢慢嘆,

但行勻大半個機場, 都搵唔到有舖頭有得賣, 差D想喊,

好彩最後係一個角落終於見到, 但當時已經賣淨幾盒, 真係一額汗丫!!!!

哼, 以後都係一到札幌, 唔理咁多買一盒食左先!

而且以後臨走, 都係係JR札幌站買左先!

今次買左芝士朱古力味雙併, 朱古力都好好味!! 芝士味就唔洗講啦!

都係果句 : 肥死罷就! XD

今次行李完全無過重, 哼, 早知再買多少少啦! :p

返到黎, 葆葆檢視佢的手信中 .........
望落去, 都係無聊野多. XDD
士多啤梨之家又增添新成員. XD

今次這個旅程, 由決定, 籌備到出發, 才兩個多星期,

而且當中備被豬流感影響, 擔心不能出發,

好彩最後都順利完成, 真的好好彩!

無謂食買玩, 都好滿足, 越黎越喜歡北海道呢!

冬天未去過, 可以去多次, 七月薰衣草季節未去過, 又可以去多次,

道南函館登別地區又未去過, YEAH, 可以再去丫!!!