北海道三文魚子蟹蟹之旅2009 - Day 4 @ 阿寒

6 月 1 日

係知床一早起身, 坐7:00的巴士回網走,

再坐 10:00 的阿寒摩周國立公園觀光巴士

全架巴士, 得 3 遊客, 其中 2 個係我地, 好正呀!

我幾鍾意這條觀光線, 一站一站咁停, 好舒服!

第一站 : 美幌峠

第二站: 屈斜路湖砂湯, 順便午飯.
因為等得太耐, 另一個set無影相就食左lu.


d 沙好熱下, 真係好當溫泉咁浸.
天氣好好呢!
第三站 : 琉黃山, 噴晒煙咁好熱下.


第四站 : 摩周湖

4:00 就到目的地阿寒了.
之前上網check, 見阿寒溫泉區的酒店,
除左鶴雅外, 其他酒店都好似好偏遠咁,
於是唯有貴貴地, 都book鶴雅啦!
哼, 點知去到, 我地原來想book的酒店, 一點都唔遠丫!
大部份酒店都係湖邊, 一頭一尾最多行20分鐘.

間房算細, 不過都OK的.
時間尚早, 於是出湖邊行下, 去到碼頭,

哎呀, 隻大觀光船剛剛開左, 望望下,

咦, 有細船喎, 貴少少, 但可以即刻開, ok, go~~~

細船飛緊過黎, 幾型!

船仔會帶你去湖中的小島, 島上有個小展覽館, 有綠藻球睇.
天氣好有夕陽, 好靚!
落左船再周圍行, 手信街都幾有特色,

但 d 手信就無特別, 無野好買.

返酒店, 晚餐是自助餐, 選擇多, 好精緻, 好靚! 好好味!!

仲有人唱歌彈琴, 好揼本.
又有三文魚子, 今餐已經係連續第4餐食三文魚子了. XD

又有成十款雪糕, 我地當然試晒啦!

值得一提是, 鶴雅的溫泉超級多花臣,

大木盆, 石盆, 石洞, 按摩, 露天乜都有,
一樓八樓都有大浴場, 每晚都會調轉男女浴場,

總之一晚你可以去齊兩個浴場, GOOD!

第二朝早餐都係自助餐, 味道都幾好, 唔錯!

最抵的地方是這間酒店第二朝有小巴 (16座)送你到帶廣,
這程小巴都坐左成兩個幾鐘, 免費架, 好抵呀!
所以, 雖然鶴雅比較貴, 但無論食物, 溫泉, 接送服務都好好,
真的物超所值呀!
~~~ 第 4 日完 ~~~