圓碌碌的波子
呵呵呵 ~~~ 我終於影到眼仔圓碌碌的波子喇 ~~~ yeah ~~~~
菲葆老豆話做乜影到波子好似葆葆咁喎, 似咩?波子條頸粗好多, 頭仔又大d喎!
佢兩個最似的地方 ........ 咪一樣咁 ........ 乖囉!
乘機讚下自己個女先, 噗!
moon 呀, 波子真係好乖呀, 不用手餵所有餅餅,
moon 呀, 波子真係好乖呀, 不用手餵所有餅餅,這兜是今朝放低的, 頭先三點幾返黎, 都自己食左1/3,
尋晚仲叻, 臨訓放低一兜, 今朝清碟照鏡呀!
唔止尋晚架, 都試過好幾晚, 唔清碟都食左2/3咁上下.
飲水方面都ok, 但略嫌少了一點, 因為佢的小便好細舊, 細舊過菲葆!
我記得上次細b黎, 同埋我朋友隻波斯仔,
小便都好大舊下的, 你留意下吧. 也許試下轉水機引波子飲多點水.
這兜水原本是滿到瀉的.
標籤： 菲葆渡假屋
posted by 菲菲 @ 5:36 下午
15 comments
15 Comments:
報告報告,現在7:48,波子已經清碟,今晚唔洗手餵服務!
天呀,其實你果其實吾係"菲葆渡假屋", 計我話係 "菲葆輔導中心" or "菲葆訓練營" 才對，入住完既小朋友都會變得乖巧，連手餵o既習慣都可以改變!!!真係勁呀! 我都想申請送我爽歡黎寄宿呀....可惜我無旅行去....嗚嗚嗚(諗起都心傷)...wahahahaha
"菲葆輔導中心" <--- 哈哈,呢個得喎,諗諗佢先.:p
咁樣波媽會唔會好心傷架?
仲有呀! 自從上次阿白係奶奶張床整左督, 菲葆輔導主任同佢輔導過之後, 講都冇人信, 奶奶而家最鍚阿白, 因為奶奶話阿白最有佢心, 奶奶唔舒服果陣, 奶奶一起身去toilet白白瞓緊都彈起身去睇佢, 仲係toilet門口等佢出嚟, 而家奶奶一坐梳化白白就跳埋上梳化坐佢隔離架喇! 佢都冇咁痴我呀!
MOON, 如果你想試水機, 我有一部喺屋企, 我可以借比你試下先架 - petmate果隻, 基本上水機係幾好嘅, 佢地都肯飲多d, 不過唯一係清洗唔係好方便(我指我果部), 不過你有需要可以試左我部先, 係work先買囉!
cherry, 細b而家果督wee仲大呀, 佢衰豬都唔知係唔係忍好耐先去, 不過佢飲水係最多同最乾淨, 唔會fing到同圍係!
聽到波子肯自己食糧真係好安慰,不枉我送佢去菲葆輔導屋XD
其實波子用水樽好肯飲水,我估佢用唔慣水兜啫,返到屋企會叫佢飲返多D水嘞,大家放心:)
哈,細b好醒目呀!!識得乙水你奶奶,咁唔怕萬一第日細b又唔覺意整多督,你奶奶會唔高興啦!XD
moon,我見波子頭三日都無乜飲水,可能唔慣個水樽位,所以我先試下比水兜佢呀,初初一日飲半兜水架!
呢兩日我都有同波子講,叫佢返到屋企都要繼續自己食餅餅,咁先乖仔,希望佢肯聽啦!你記住如果佢做得好,你要多d讚佢乖仔呀!
菲葆家成員: "不捨得你, 不捨得你, 仍需給你走" - 波子
christy:"留住我吧! 留住我好....嗎?" - 菲葆家成員
輔導主任呀, 阿白係阿pa呀, 醒目仔唔係阿B呀, 佢反而係最唔得寵果隻, 尋日先比奶奶投訴佢掃跌晒屋企2個電話咋!
哈...搞錯晒添.:p 細b始終都係百厭丫....
頭先菲葆老豆話,moon係疫區返黎,應該隔離七日先,七日後先好黎接波子.XDDD
哎呀~~~典解我尋晚留果個 message 唔見左既？
我想話上次 Christy 係菲葆輔導中心返屋企都乖左好多呀，唔知黎緊輔導主任會為 Christy 設計乜野既輔導計劃呢?
"菲葆輔導中心"，係你信心之選！XD
此留言已被作者移除。
唔知黎緊輔導主任會為 Christy 設計乜野既輔導計劃呢? <---- 呢位家長,關於你寶貝女的輔導計劃,本人務必度身訂造,貼身服務,保你滿意. XDD
去完連手餵既習慣都無埋.....我又排隊我又排隊我又排隊,要留位丫
am.. am.. if i were 波子... then.. then.. u will exam ... exam.. my.. my.. c c ?!? =.='.....from handsome
發佈留言
<< Home