年初七@大埔Jungle之家

大年初七, 又有好節目, 首先黎個 K lunch,

嘩, 你地好勁呀, 識唱左咁多新歌既?

仲話係今年十大乜乜添? 唔係化? 我聽都未聽過喎.@@

噢, 唔該唱多d K丫, 我好out耶! 咭 ~~~

食飽又唱夠, 咁要搵下貓先生貓小姐黎個 tea 好喎!

yo ~~~ 我第一次見Jungle同佢既三小b丫!

嘩嘩嘩, Jungle 同朱古力好似樣呀, 不過係大隻版,

神情同大少都有點似, 個頭一樣好爆呀! 我鍾意丫!

豬膽身型好易認! XD

佢係貓媽媽雪雪, 初初有點怕羞, 好在後來都肯比我影相.
佢係大B女藍藍, 好貪玩的小朋友, 無時停又八卦.

佢係二B仔 (我唔記得佢個名.:P) 佢都一樣咁貪玩! 勁活潑!

三B女Little Cream, 勁靚女呀, 個樣好sweet,

不過呢位小朋友尋晚去邊度蒲黎呢?

整個下午都睡眼惺忪未訓醒! 之前睇相明明見你眼大大好精伶家嘛!!

臨走時發生走貓事件, 有貓要走佬呀 )))))
哈, 原來係想偷貓棒玩! 咦, 呢個袋原來都可以當貓袋喎! 諗諗佢先! 咭~~~

多謝christy媽的貓棒, 我揀左藍色, 好靚呀! ^^

玩完貓, 去左大尾督忠誠食咖喱蟹, 個汁好好味呀!! 送飯送蒜蓉包一流!

就咁樣, 食完去玩, 玩完又食, 過了完美的一天.