北海道三文魚子蟹蟹之旅2009 - Day 2 @ 網走

5月30日

食過早餐, 坐JR到遠輕駅, 再轉巴士到今日目的地 :

上湧別鬱金香公園

註: 巴士站離JR遠輕駅不遠, 直行大約兩個街口便到,

但個站毫不起眼, 若不是剛好有輛巴士停在門口, 我們便會錯過繼續向前行了!

要注意啊! 不用走太遠的, 真的只有兩個街口的腳程, 在左手邊.

.

今天天氣很好呢! 咦, 點解張相有黑角架? 我無用遮光罩喎? @@
買票入場, 點解無啦啦會平100yen架? 咁好?
噢.... 入到場就知了 ..... 花田裡好多花都謝左, 所以咪平d囉.....
咁當然, 局部地區都仲見得人下, 都仍然有嘩嘩嘩聲好靚的感覺.

不過果日好大風, 大風到 ..... 花都吹歪了 ......

呢張相我無放錯呀, 朵花確實被風吹到是打橫的. =.="
場內鬱金香的品種顏色都好多, 影得好開心!

有些相應該執執佢, 應該會好看得多, 但懶呀, 唔搞了, 大家將就下吧.

不如 ..... 換部測光顏色都準一點的相機吧, 會徹底一點. XD

影了個多小時已經想走了, 於是提早坐車出遠輕食飯.

食完飯未夠鐘, 唯有行超市, 該處唯一見到又行得到的地方消磨時間.

返到網走, 諗住行遠一點找食的地方, 點知 ......

原來果度係一個大超級市場, 無熟食的, 咁唯有買刺身海膽+白飯+杯面做晚餐!!

呢個拼盤唔錯呀, 都好新鮮! 我的三文魚子來了. XD
海膽撈白飯, 一流!
由於太凍的關係 (網走得11度咋!), 再來個熱辣辣杯面, 正!

~~~ 是日完 ~~~