北海道三文魚子蟹蟹之旅2009 - Day 1 @ 網走

2009年5月29日

由決定再去北海道到出發, 只用左兩星期多點去準備, 真的有點趕!

仲要再去我以為今生今世都不會再去的網走 - 這個鬼地方!

今次坐 JL的淩晨機, 無甚特別, 但張椅有點窄 ......

為了慳車錢, 於是係東京轉機後便先飛到女滿別, 最近網走的機場,

出發時已知道, 女滿別到網走的巴士, 會於飛機到埗後10分鐘開出!

無錯, 係10分鐘, 錯過左就要多等一小時, 有病 .......

幸好, 行李出得都好快, 我們趕得切上這架巴士, 順利的到達網走.

今次唔住北海了, 雖然無得食蟹餐, 但北海的房間真係唔太理想,

我寧願住東橫INN, 企理乾淨又有得上網!

因為預計兩日都好早會返到酒店, 網走又無街行, 可以上網消磨時間好緊要丫!

到左酒店寄存行李後, 先請酒店職員預約的士, 在東藻琴巴士站車我們去芝櫻公園,

跟著, 便按時到巴士站, 坐巴士到今日的目的地 :

東藻琴芝櫻公園

一落車, o下? 呢個係總站? 普通一個街口咁? 架的士會係邊度等我地呢?

哈, 原來架的士就係架巴士後面, 我相信, 佢係黎接我地的,

於是唔理咁多, 就跳上去了!

之前上網係forum睇人寫, 沒有預約的士, 回程找不到車,

於是唯有行出去, 噢! 荒山野嶺又凍, 行半個鐘........

的士搭左5分鐘左右就到了, 盛惠 1960yen, 加埋頭先程巴士,

連埋入場費, 每人總共大約要三百幾蚊港紙, 呢個景點都幾貴啊!

一落的士, 先醫肚, 因為實在有點凍, 簡單的來碗烏冬吧!

食後暖洋洋覺得特別好味!

食飽入場, 嘩, 真係成個山頭係粉紅色, 好壯觀呀! 不枉我山長水遠來 ~~~

好震撼呢!

行行下, 見到有小型賽車玩, 300yen, ok喎, 玩轉先!

在花海裡穿梭, 感覺良好!

周圍行影下花 ~~~
其實都算季尾了, 近門口位置的那埋花開始謝了,

近山較高位置的好一點, 盛放著 ~~~
當然, 我的 B 女都要賞花啦! XD

約好的士2:45等, 出返去巴士站坐巴士返網走, 不用五點就回到酒店了.

是日晚餐, 去左上次無機會食的烤肉店,

唔錯呀, 環境好好, 都幾多人幫襯, 看來質素有保証!

不過價錢都唔差 ..... 我地要左一set 5500yen的烤肉,

再加一個石頭鍋飯, 兩杯汽水, 都好似要七八千yen了,

唔平呀, 但好好味, 算了吧!

食完飯, 又行去網走唯一景點 - LAWSON買甜品. XD

~~~ 是日完 ~~~