北海道三文魚子蟹蟹之旅2009 - Day 6 @ 札幌

6 月 3 日

全日於札幌市內shopping, 真係行到腳軟.

午餐於Parco樓上食肆, 以便到達下一站目的地:

Hysteric Mini XDD

晚餐 : 蝦蟹合戰

(記住印coupon呀, 送一杯細汽水)

今次揀左任食毛蟹, 松葉蟹, 雪場蟹腳90分鐘這個餐,

下圖最上方為雪場蟹, 中間為松葉蟹, 最下方為毛蟹.

我自己最鍾意食雪場蟹, 啖啖蟹肉好好味,

松葉蟹都OK, 但無雪場蟹的蟹咁實淨及重蟹味.

今晚的毛蟹唔掂呀, 連我都食到大陣雪味,

而且原隻上拆蟹肉好煩好SIDE時間,

所以食左一隻就唔再叫了, 全力主攻雪場同松葉蟹!

食左個半鐘, 好飽好"溜"手指都好軟. :p

今日都無乜影相, 得幾張食物相, 唯有影下部份戰利品充橕下場面. XD

Anna Sui 今期無乜新款, 只係買左少少.

受人所託, 又唔覺意被人踢左入會, 到Hysteric Mini入貨.
產品真係好靚, 但可惜o岩用的唔多, 自己無乜買到.

呢套衣架都幾無聊, 但真係超靚!
千千萬萬的海棉又黎了. XDDD

~~~ 第 6 日完 ~~~