北海道三文魚子蟹蟹之旅2009 - Day 7 @ 小樽

6 月 4 日

是日目的地 : 小樽

第一站, 當然係 Wing Bay 啦! 係呢個鬼地方, 我又買左一堆無聊野. XD

行到點幾先離開, 已經好肚餓, 先到三角市場醫肚.

其實入面都無乜選擇, 得一兩間有野食, 今餐唯有又食三文魚子海膽飯.
呢碗海鮮井都唔錯丫!

呢碗已經係呢個旅程第 N 碗三文魚子海膽飯了. XD 真的好滿足.

食飽行去小樽運河區, 途經一間疑似雞蛋仔店, 好懷舊味道, 試下先.

原來大雞蛋仔內有紅豆蓉, 好味, 但好滯下. :p
終於到運河區, um, 點解兩次黎都係天陰陰, 唔靚,
有點心思思想搵次冬天黎, 氣氛應該好好多.
行到5點, 好支力, 到LeTao食件餅休息下.

食完tea, 就坐JR返札幌, 是日晚餐 : 串燒鳥外番

這間舖是在蝦蟹合戰對面的PLAZA 1010內的, 好易搵.

但要注意, 只開晚上, 早一日原本想食lunch, 摸左門釘. :p

這間串燒好抵食呀, 餐牌內的串燒大部份都係1xxyen一串.

多謝老友一號心水推介. ^3^

牛串燒就貴少少, 但都ok架!
每款串燒都好好味! good 呀! o岩晒今日遲食tea, 其實唔太肚餓,

串燒份量少一點唔會食得太飽, 又可以慢慢食.
老友一號強烈推介, 雞全翼130yen一隻, 真係去邊搵丫!!

我推介這隻牛油燒帶子, 一流呀!! 肉厚超香牛油味, 必食, 肥死罷就. :p

唔記得幾錢, 應該要 3xxyen, 但真係好味, 唔貴.

總共食左十幾串, 埋單才二百零蚊港紙, 好抵食呢!!!

成個旅程, 唔計食拉面果d, 呢餐食得最平. :p

~~~ 第 7 日完 ~~~