北海道爆笑三人組之旅 - Day 10

第10日, 去我期待已久的小樽.

當然啦, 以我的年紀, 小樽, 當然係情書入面果個小樽啦! XD

但又當然, 人大左, 就會明白,

浪漫, 係虛無的, 係堆砌而成的.

.

食完早餐, 坐9:15am的JR去小樽.

首站, 先到Wing Bay放血, 係呢樹, 可以講,

我們淪陷了!

大家都買到傻左, 有人抬左張檯返來,

而我, 就組織了一個士多啤梨的家!

我就係帶左佢地返屋企囉!

不過, 好可惜, 漂亮的東西, 通常都不實用,

士多啤梨水煲, 只煲了一次水, 個噴咀就已經爛左了!

其實近呢兩年, 無論去旅行還是平時買野,

都或多或少的會鍾情於紅色士多啤梨產品,

好似貓兜, 咕o臣, 坐墊, 牙擦座, 廁紙架等,

滲下滲下, 間屋企都有不少架,

其實我以前都唔鍾意紅色的,

但人大左, 反而ok喎, 唉 .... 呢d係咪叫發老姣丫.

好, 回正題.
放完血, 將戰利品寄存locker後,

便向小樽手信街進發.

果陣已經點幾兩點了, 係時候食晏,

但我地又為左爭取時間, 又唔食正餐了!

去左 Letao食件cake, 飲杯啡就算數!

我都覺得自己匪夷所思!
我試左呢件士多啤梨拿破侖, 好脆! 得呀!

呢件係最出名的雙層芝士蛋糕, 但我覺得一般咋.
好喇好喇, 終於到運河區了.

好可惜, 天色不佳, 影唔到靚靚黃昏相.

手信街, 有千千萬萬的玻璃精品,
Hello Kitty及其他精品, 行行下都開始覺得悶,
我地開始夾梗都買d野, 以解困局.

行到6:00, 就坐JR返札幌, 7:00返到酒店,

放低戰利品, 去個廁所, 就立即落樓,
衝過去西武LOFT.
我地竟然只花了不足一個半小時,
就將兩大棟商場, 每一層都行一個圈,
有些樓層仲有停低睇野買野架!
我都好佩服自己咁好精力!

行到8:30LOFT關門了, 就到ESTA的PETLAND打個轉,

然後便到食店樓層, 食炸豬排飯做晚餐.

是日完畢.