北海道爆笑三人組之旅 - Day 4

由層雲峽經上川去網走, 去到網走已經12:45了,

再係觀光案內所糾纏左一陣, 無功而回,

咋咋臨去酒店check-in, 之後趕搭2:12的巴士去網走監獄.

中間得返15分鐘食lunch, 仲要用左10分鐘等佢整,

得返5分鐘去食, 真係撞鬼, 我地差不多咀角咬住條薯條去找數,

再衝過對面馬路搭巴士丫!!

.
帶埋B女去旅行, 起碼等車時無聊都有野影下!

不過下次帶個頭髮易梳的, 佢個好顛, 好難搞!

或者下次幫佢帶把梳!

網走...... 都係好鬼地方! 旅行書介紹景點, 竟然要介紹LAWSON!

不過為左感動朝市, 下次有機會的話, 都要去住返晚, 無計.

網走監獄

原本諗住去食監躉飯做下午茶,

點知未夠鐘已經賣晒收爐了,

好肚餓呀!!!

好無聊的合照呀, 嘩哈哈!!!

黎返張正常的到此一遊合照先.

跟住去了流冰館, 唔算太多野睇, 但都OK唔會覺得無聊.

有時間就去, 無時間唔去又唔太可惜果隻囉.
展望台景觀又一無聊自拍, 嘻嘻.

呢杯冰冰都幾好味!!

這晚住北海酒店, 揀這酒店, 就是為了這個蟹餐!

不過..... um ..... 酒店間房唔多掂, 西式房好舊, 又無位開行李,

和式大D, 但又無冷氣, 我地晚晚都熱醒.

個蟹餐呢.... 普通啦....咁既價錢, 有得食有得住, 想點丫!

而且第二朝包你去感動朝市食早餐, 好正呢!

淨係呢點, 其他野都可以容忍一下的.