北海道爆笑三人組之旅 - Day 7

昨晚入住釧路駅前的Royalinn,選中佢的原因好簡單, 近!

近火車站, 近和商市場, 係咁多!

房間很好, 早餐仲好好味, 未見過早餐的面包咁好食架!

食完呢個早餐, 仲未心足, 再去和商市場食 part 2.

市場內售賣各式海鮮.

好似車仔面咁, 買個白飯底, 再自己揀餸!

這是我的海鮮井1750yen! 呢度的海膽我覺得最鮮味!

5分鐘, 就ko左佢了.
11:16坐JR由釧路到帶廣.

行行下, 影到張藍天太陽花, 我應該攝落去富良野果part!XD
意想不到的帶廣, 令我們淪陷!

六花亭, 搞到我地要send sms向濕地夫人求救!
為的是要安排這埋東西返札幌!
鴨仔是日金句 : 金山, 銀山, 不及呢座手信山!

回來之後, 大家都後悔, 買得太少!!!!

原來六花亭的小吃, 款款都好好食!
圖中四方盒的餅仔, 好食! 酒心波子糖, 好食! (但我無買到>_<)
其他朱古力等, 包裝靚, 送禮一流!

下次再有機會去, 我要買一箱寄艙! (小樽都有大間分店)
.
3:26坐巴士去十勝川溫泉區, 是晚入住十勝川第一酒店.

這間溫泉酒店的浴池區分室外室內,

室內部份好大, 分上下層, 有大小浴池數個, 又有蒸汽浴室, 好多選擇.

我比較喜歡室外浴池, 無咁焗, 舒爽得多.

我飯前飯後都有浸, 果晚好好訓啊!

窗外望到一座橋, 有點像青馬大橋.

帶b女出酒店外影下相.

晚餐好豐富.
這個十勝麥啤好好味, 我覺得好味過尖沙咀德國餐廳的麥啤啊!