北海道爆笑三人組之旅 - Day 6

今日將會離開網走, 臨走前, 去了感動朝市食早餐!

酒店是包了海鮮井一份, 所以雖然間酒店唔多掂,

但我仍然會比4粒星佢, 因為價錢平, 晚餐質素唔錯,

早餐可以黎感動朝市食, 無時間係酒店食又得, 仲想點丫!

呢個感動朝市, 有間海鮮檔feel, 但好乾淨!
好抵食, 食完想再食的生蠔!

這是酒店包的海鮮井, 唔錯!
為食的我地, 點會滿足於區區一碗海鮮井,
好, 一於加餸!
北寄貝同生蠔!
北寄貝燒過的, 好鮮甜! 生蠔好juicy, 我忍唔住自己買多隻食!

燒魷魚.
八角魚刺身, 無得彈! 飽死罷就, 一定要食!

臨走前, 我地仲要食多杯雪糕, 真係顛架!
咁食法都無肚痛, 我地腸胃真好!

.
坐10:00的JR由網走到釧路, 1:30就到達,
還好, 2:00就去和商市場食 LUNCH, 終於有返餐飯好食.

.
2:55坐濕原小火車遊釧路濕地.

um....我地好似揀錯行程, 齋坐火車唔落地行,

好似阿公阿婆咁去旅行咁.

而且火車經過的地方見唔到鶴, 支長鏡無用武之地.

不過勝在舒服, 反正之前趕車好鬼支力了.

突然, 火車上有村姑出現.

仲發現有賊仔!

註: 此照片已榮獲是次旅程的最佳人物攝影大獎!
掌聲鼓勵!

火車內觀

今日原來我地食得好豐富,

早餐感動朝市, 午餐和商市場, 晚餐駒形家七輪燒!
第一次食燒海膽, 感覺好特別, 但都係生食好味d!

咁樣食法, 飲埋汽水, 埋單3717yen, ok啦, 感覺好豪!XD