北海道爆笑三人組之旅 - Day 5

今日6:00就起身 (其實3:45就熱醒左), 要去今個旅程的重點:

知床

坐7:55的巴士去知床otoru溫泉站,

趕得上坐10:00的觀光巴士遊知床五湖.

當日天氣十分好 = 曬到嘔

行車時拍的, 海峽景色不俗!

但當上到一個觀景點, 天氣突然變得寒風刺骨,

尤如寒冬一樣, 終於體會到一日四季的感覺!

落返平地, 到達知床五湖, 天氣回復夏日色彩!

我們選擇了40分鐘的一段, 遊一二湖,

但其實40分鐘是好趕的, 淨行還可以,

要停低影下相的話, 真的不夠時間, 但為了趕巴士, 無辦法.

我們成日都想起枯木. XD
有些路段舖上木板, 好好行, 老人家都適合.

藍天白雲, 好靚啊!

魚眼鏡影湖景, 都好趣緻!

整個旅程, 我們的合照不多, 古靈精怪的照片倒不少!

哈哈, 我想比個最佳表情獎予鴨仔! XD

到尾段, 我竟然仲有力行上去,

我都今日都唔明, 點解果日咁好精力!

一上一落, 我用左10分鐘咋!

正式梅花鹿呀!

好啦, 我地死趕爛趕, 飯都唔食, 就係為左搭呢隻觀光船遊海峽,

去到碼頭等上船, 先話大風航班要取消,

點解個天都要玩我地!

哼! 既然無船坐, 唯有去食飯啦!

係, 無錯, 因為無船坐, 我地先有飯食!

好好味的海膽三文魚子飯.

海鮮井都好靚!
今晚是第二晚係北海酒店食晚餐, 揀左魚餐.
原來條魚仲好味, 好似銀雪魚咁, 好甜!
還是蟹腳打邊邊, 味道比昨晚原隻蟹還要好,
噢, 這個魚餐好得呀!