北海道爆笑三人組之旅 - Day 8

在溫泉酒店內嘆個靚早餐, 9:55就坐巴士回帶廣了.

原本, 昨天的行程編排左去中札內美術村,

今日去bear mt., 但我地最後都無去到,

改左係帶廣行街, 呢個決定, 我地無後悔!

昨天我地已經係六花亭, 柳月淪陷,

今日就差d係呢間fujimaru的百貨公司內暴斃.

呢間百貨公司, 一入到去, 都有點先施永安那種老餅的感覺,

但越行越唔對路.

首先, 行到手袋部, 發現有大量manhattaner's的手袋銀包!

這幾張相特別獻給濕地夫人的. XD
圖中左下角, 就係果個行李箱了. 鴨仔差點帶左返屋企.

好多袋的圖案都好靚, 但可惜, 袋的設計就不合我口味了,
所以係呢個counter氹氹轉左好耐, 都買唔落手
行到家品部, wow, 花花煲好靚呀!
原本係我發現, 心思思想買, 但最後, 我都係情傾士多啤梨煲,
所以轉而毒害老闆娘, 佢最後帶左一個返屋企. XD
是日收獲.
shopping完, 去旅遊書推介的元祖豚肉食午飯.
呢碗豬扒飯都唔錯, 抵食. 850yen一碗(松), 可樂220yen.
食飽, 坐2:53的JR由帶廣到新得.
3:22到新得, 原本諗住搵書介紹的手打蕎麥面食,
可惜, 找不到, 街上鬼影都無隻, 突然, 一架的士出現,
我地毫不猶豫的便跳上去, 直衝Yorkshire Farm了.
好驚喜, 成間田園酒店好乾淨, 裝修好有心思,
房間都很好, 沒有異味或者蚊蟲歡迎你, 讚!

晚餐都好好味, 羊肉都唔算羶 (我唔鍾意羶味, 所以少食羊),
所以我揀左魚做主菜, 但果兩條小魚.....剛好夠我"攝"牙la.
好彩有碟白飯打底, 又有甜品咖啡, 都食得飽,
飯後我地又坐係餐廳吹水, 感覺好舒服, 愉快的一個晚上.