打針
今日是菲菲三年一度打防疫針的日子.
見到Dr. Yen, 佢問, 菲菲今日黎咩事呀?
我答, 打針囉!
Dr. Yen : 三年先打一次針喎.
我 : 係呀, 夠期喇, 三年了.
Dr. Yen : o下? 三年喇? (即刻按電腦看紀錄)
噢, 咁就三年了, 我仲以為只過了一兩年,
時間過得真快! (很感慨的樣子)
.
菲菲, 你仲有好多個三年, 三年又三年,
要去打針, 要見Dr. Yen,
要陪媽媽上網, 訓晏覺, 所以你一定要身體健康啊!
.
檢查一番後, 磅重. 4.7kg.
Dr. Yen : 三月洗牙仔時才4.3kg, 重左40g,
不可以再重了!! (語氣好強硬!!)
我 : 唔係好肥遮 (我的心當時想起肥鯨)
Dr. Yen 於是meet起菲菲肚仔泡肉, 叫我摸,
呢d咪係肥肉囉!! 唔可以再肥了! (語氣好堅定!)
菲菲才4.7kg, 已經唔可以再重,
咁過11磅, 甚至1x磅的, 典算! 咭~~~
標籤： 大家姐菲菲
posted by 菲菲 @ 11:38 下午
11 comments
11 Comments:
原來唔係淨係我先數口差, 怪不得我比少咗錢你都唔知啦! 下次見到你補返比你呀!
菲菲係重咗0.4kg, 即係400g, 差不多1磅呀! 以後, 我大少再肥d都有個比較 (菲菲都有4.7啦, 我都唔係太過份啫7kg, 哈!)
少左咩?由佢啦,我都無買手信比大少地.我地下次見面應該係貓展,你咪係大庭廣眾將d錢塞黎塞去咁老土呀下!
唔係太過份啫7kg<--- 7kg,我暈喇!!XD
係丫, 菲菲仲有好多個三年又三年呢!
好彩你話諗起肥鯨...我幾驚你話諗起盟主...
唔驚,個磅已經到左手,等我調整下佢,菲菲一D都唔肥....
哈哈,果刻,我個腦海真的彈左肥鯨個樣出黎,反而唔係盟主喎!XD
個磅咁快到手?@@放心,太多比較,講到肥,有排都未輪到菲菲.XD
無喇無喇, dolphin瘦番啦, pika都瘦番啦, 唔好再叫我做老闆娘啦, 擔唔起呢.
哎呀！三年一度打防疫針‧‧‧做乜鬼Christy要年年打針既？莫非我比醫生呃？@.@
4.7kg,OK啦~~都唔算太肥,最緊要佢開心&健康~~~
我Rocky 6kg, Roger 7.7kg都未叫減...
helena,唏,你屋企隻隻貓(&人)都肥o都o都,証明你本事嘛,有乜唔好jack!唔通皮黃骨瘦先叫好咩!
christy媽,每個獸醫對防疫針的睇法都不同,叫你年年打都不能算呃你啊!三年先打一次針,有一定的風險,你要先了解啊!
carol,無錯,最緊要開心同健康,所以我唔會同菲菲減肥,只會keep住就ok了.^^
咁bobo呢?不是同一齊打針的嗎?
葆葆未夠期喎,一月先係.
打針的日子跟出生日期有關的嘛,菲葆兩個都唔同月份出世.
發佈留言
<< Home