彩雲南

昨晚跟朋友去了彩雲南食飯,

意想不到有意外驚喜!

這個金沙洋芋絲 ...... 好好好好味呀!!

非常香口, 脆卜卜, o岩晒咸旦精呀!!!

不過最奇怪的是 ...... 這碟東東是由薯仔做的,

咁應該叫金沙土豆絲啦! 但餐牌又唔係咁寫喎, 奇怪.

左邊是黑三刴豆腐, 右邊是手撕茄子.

這兩款涼菜都幾好味, 少少辣.

這個彝族火焰排骨, 個名好勁, 又會著火, 呃遊客一流!

但味道略嫌普通, 無特别, 下次不用試.

試左松茸汽鍋雞, 唔錯, 好香菇味!

仲試左牛肝菌炒飯, ok, 又係好香菇味.

甜品試左玫瑰木瓜露及南瓜靶靶.

那個玫瑰木瓜露不用試, 無味的.

南瓜靶靶尚可, 好香蛋味.

打折後埋單$530. (匯豐信用咭88折)
昨晚7:00到, 傾計傾到10:00才走,

全場得3枱客, 好冷清. (雖然全場都只得7-8張枱)

如果大家想試, 好快d去,

咁o既經濟環境, 唔知佢挨唔挨得住 .........