吉隆坡 hea 之旅

為期五天的吉隆坡 hea 之旅, 正式開始!

晨早流流去到機場, 見到呢組聖誕裝飾, 又幾靚喎!

一到吉隆坡, 便從機場直接坐車到是次 hea 之旅的目的地 :

Avillion Port Dickson

由 lobby 行到房, 都有一小段距離, 沿路經過泳池, pet corner, 感覺好舒服!

今次揀左 premium water chalet 呢隻房住,

又話向海, 點解前面有屋遮住左, 視野差少少喎!!

eeeee 我想住左手邊果間房丫!! 果 d 先叫無敵海景嘛!

間房都算幾好, 好舒服, 不過地方比我預期細左少少.

我攤左係開面果張小床仔睇書及訓晏覺, 好爽丫!
噢, 沖涼位露天架, 叫 open sky bath 喎!!
埋便仲有個浴缸的.
B 女都話間房 OK!
呢間酒店值得一讚的是, 這三日兩夜,
我完全看不見那些小飛飛, 燈蛾的物體,
晚上時間, 無論小路上的燈, 房間, 露天浴室,
都沒有這些小昆蟲, 連蚊都極少, 我都只是被咬了兩口咋!

參觀完房間, 就去醫肚先! 差不多三點才食午餐丫!

食飽飽, 周圍行下.

酒店外圍有海灘.

有一個小小 pet corner, 有兔仔, 雞, 小豬仔, 孔雀.

啱晒小朋友.

呢隻孔雀好聽話, 我叫佢開屏, 佢真開比我睇丫!

行完有眼訓, 呼 ~~~ 返房睡一睡先 zzzZZZ
訓醒就食飯, 揀左自助餐, 每位大約HKD170左右, 唔算貴.
食物就一般啦, 唔算好好食, 但又唔太差, 實食得飽,
似香港$198果個價位, 仲要三送一果種自助晚餐囉!


食飽無事, 就返房睇書, 係丫, 我特登帶左一些書去睇,

靜靜的再睇多次近排學的神婆野, 消化一下.

.
早餐, 酒店包的, 自助餐, 無乜驚喜, 又係果句, 食得飽囉.

哈, 食完早餐, 諗住去游水, 點知返到房,

周公子急call喎, 呼, 應約先! 就係咁, 同周公子談情談到兩點幾!! :p

又係午餐同下午茶一齊食丫!

噢, 食完, 咋咋臨返房換衫落水, 其實唔叫得游水,
叫浸水就差不多, 我地都無乜游過, 只係水入面浮下行下企下咁. =.="
跟住又係池邊張沙灘椅烚左一陣.
黃昏時段, 行去海灘, 有人結婚喎,
咦, 環境幾好丫, 係沙灘度搞, 氣氛幾好,巧浪漫呀!!

各位未結婚的朋友, 諗諗佢丫!!

是日晚餐, 揀左另一間餐廳, 叫左set dinner,
大約HKD200左右, 都幾好喎,
湯, 前菜, 雪萉, 主菜, 甜品, 餐茶齊晒,
味道都幾好, 抵食過自助餐!

第二朝早餐, 見池邊太陽傘的枱有位, 就揀左黎坐,
諗住黎個 pool side breakfast, 影這張相時, 感覺仍然良好的.

食食下, 太陽伯伯起身, 不得了,
曬到我個背脊可以煎蛋,
唯有拿拿臨食飽閃人.
返房執行李, 就出返吉隆坡市區了.
安頓完行李, 就去完唐人街區搵食,
嘩, 食完肚痾先算, 係檔仔食魚蛋粉, 喇沙, 飲沙冰!
碗魚蛋粉又幾好味喎! 又平又好味!

跟住行左去 central market, 行完想走, 點知落起大雨,
唯有入返去繼續行, 竟然發現左有檔魚檔!
嘩哈哈, 10馬幣10分鐘被魚仔咬腳, 一於試下先!
哈哈, 好似比食人倉咬緊咁, 唔痛, 不過超痕!
日本果d魚仔明明好細條, 魚毛黎, 點解呢d魚咁大條架!!
不過好過癮丫! 我隻豬腳被魚仔咬完後,
腳板底真係滑晒! 連腳踭的乾紋都幼左好多!

好過自己搵舊浮水石磨幾個字手都軟埋丫!

呢張係我兩公婆成個旅程, 唯一一張合照! 咭咭 ~~~~
跟住去雙子塔影返張到此一遊.
跟住shopping, 會合朋友後晚餐,

揀左間都幾多人幫襯的餐廳,
味道唔錯, 個椰漿飯好好味!
第二日去左貓展, 完左後自己去搵食,

呢餐都好好味, 又平, 正! 最重要係有人請! XDDD

成個旅程, 都無乜野好敗, 最大收穫, 就係書局!!
寵物同神婆書都幾多, 好過係阿瑪遜訂, 慳返運費嘛!

我覺得呢本書最搞笑!

Fur Shui !! wakakakakaka

An Introduction to Animal Feng Shui!
究竟佢係認真定搞笑呢?

好似好認真咁, 又講balance, 陰陽又八卦又顏色,
我睇左幾頁, 未睇晒, 所以唔知佢真定假,
但感覺似哈利波特係魔法學校的課本囉!!

就係咁, 我五日四夜的假期就完滿結束了!