元旦送銀子生日派對
呢排真的很懶, 這個元旦送銀子生日派對相片要今日才出爐,
波子銀子對你地唔住丫, 下次探你地時,
我私人送個熱吻過你地賠罪呀下!! XD
見唔見到呀, 黃色果個係馬拉糕, 係賢良淑德的CRET媽整架, 勁!!
另外果個藍莓芝士餅同埋朱古力蛋糕就係波媽的愛心生日蛋糕,
好好味呀)))))))) 細細聲話你聽丫, 我靜雞雞每款都食左兩舊架. XD
祝三位壽星貓銀子, PAPA, 力力生日快樂!
心廣體胖, 貓體健康, 罐罐餅餅長食長有!!
波子銀子, 今次的相影得唔好, 影唔到你地英俊的靚貓樣, 下次再影
過!!
PAPA好肥美, 嗲到暈.
標籤： 我是貓色魔
posted by 菲菲 @ 11:34 下午
7 comments
7 Comments:
菲菲, 多謝你影到銀子咁靚仔, 不過我有個唐突要求, 我想借銀子張相一用, 但可唔可以無左菲菲2個字........因為銀子今日走了, 我想用呢張相做.........
我睇完個post好感慨,只係1個月前嘅事點解今日可以變成咁樣, 銀子再睇唔到呢張咁靚嘅相嘞........對唔住, 我係咪講得太多......
吓!@@ 銀子 >_<
相片當然無問題,但原相係屋企,今晚返到屋企send比你.我得你公司email,今晚send去你公司有冇問題?
今日會去做埋火化, 唔緊要啦, 我就用有菲菲2個字的相片, 希望你唔介意! 多謝你呀菲菲, 銀子會記得你送咁多好好味嘅小食比佢架.
唔介意,但resize左,像素比較低,效果可能唔理想,我今晚照send比你作後備之用吧.
銀子,miss you forever.
希望波媽唔會睇我呢段留言啦.....
呢幾日公私都有d忙, 都冇時間坐低靜靜睇blog, 今晚mr. four要返工, 得我一個係房, 邊做家務邊看blog, 看到菲菲呢個blog真係十分感慨, 不期然喊左一場大嘅......真係冇想到, 眼淚到今日先釋放出嚟, 雖然日頭係公司睇銀子個blog都有喊, 不過可能始終係公司啦, 到親身睇住佢走時, 又要控制住情緒, 唔好影響其他人, 到今晚終於冇顧忌.....嗚嗚鳴
作為一個主人, 一個過來人, 其實真係好痛, 一幕一幕都挑起無限記憶, 雖然銀子唔係自己嘅, 但係看住佢大, 上個月仲同佢玩緊, 今日就只有.....
我無鬼用呀,果朝係公司睇完銀子個BLOG,打比DANNY,一邊聽一邊眼淚鼻涕一齊黎,果日變左做熊貓,醜死怪. >_<
不過真係好橋,果晚的起心肝出呢個POST,點知銀子就係當晚.......
發佈留言
<< Home