菲菲嘔呀!!

嗚嗚~~~菲菲嘔呀! 菲菲昨晚十二點幾, 喵我要我比零食, 咁我照比啦, 點知佢聞下又唔食, 最後只食左一粒咁大把, 我已經覺得好奇怪, 菲菲好少可唔食架嘛, 而且昨天的早餐同晚餐, 佢都食左好少, 晚餐果兜餅直頭好似無郁過, 但見佢又精神丫, 行下坐下又瞓下咁, 無乜野. 點知食完果一粒零食, 一分鐘都無就嘔了!! 一路行, 一路嘔, 嘔左幾灘水, 入面有些未完全消化的餅餅. 嘔完佢又無乜野喎.
.
今朝一起身, 地下同梳化都有少少嘔吐物(是水黎), 於是今朝立即同菲菲睇醫生啦. 醫生話菲菲應該唔受得新果隻吐毛膏, 懷疑其中一隻成份令到菲菲肚仔唔舒服, 最後打左兩支針, 今晚九點後先比佢食少少餅缾, 嗚嗚~~~餓死菲菲了. 希望係呢個原因啦, 菲菲叻女呀, 快D好返.
.
一日都係佢阿媽我PAT PAT痕, 轉乜鬼吐毛膏丫, 食開果隻好地地咪算囉, 星期六晚先開, 食左一次就出事!! 好彩果晚臭葆無食到咋, 不然大吉利是兩隻一齊嘔, 赤死我喇!!!