Christy
菲葆渡假屋又營業了!!
今次的貴賓是大眼妹Christy! Christy 好叻女呀, 唔怕生保, 一入屋已經四圍巡視,
摸佢頭仔都唔抗拒, 見到菲葆都唔驚!
不過菲菲好衰, fee Christy, 女呀, 乜你咁無禮貌架!!
Christy第二日已經好習慣, 食晒餅缾, 有大小便,
我每次入房探佢, 佢都立即走埋黎我身邊, 真乖!
不過呢, 唔知係咪我同佢梳毛梳得唔舒服呢?
梳左兩下, 佢就fee我同打把梳, 好啦, 唔鍾意就唔梳啦.
今晚有時間, 同佢影下相, 不過佢成日走左入柜底貓樹底,
用毛毛棒引佢都唔肯走返出黎, 所以影得唔係太好呀!!
得呢幾張見得下人咋!
標籤： 菲葆渡假屋
posted by 菲菲 @ 9:47 下午
11 comments
11 Comments:
hi christy妹, 開唔開心呀? 你睇嚟好適應喎!妳阿媽知道一定旅途超級愉快嘞!
管長, 真係唔知christy去左你度添! 佢阿媽都冇講幾時出發, 唔知佢幾時返呢?
你d張喺我嚟講係影得好sharp, 眼又好大, christy又好靚吖!
仲有呀, 佢嘅表現比起我地哋去佢屋企仲好d呀, 你果真有一手呀! 不過我記得佢真係唔係好鍾意梳毛架咋! 我十一月出發可能都要搵搵你, 不過係可能啫, book定先都要嘅, 係嘛?
佢阿媽下星期日返,我仲有成個星期對住Christy,yeah~~~~~
你講真架?你比兩隻肥仔黎我屋企渡假?發逹囉!!!不過11月要夾一夾日子,遲d再傾丫!!
christy有點似藍藍, 雖然色唔同^^
菲葆渡假屋真係生意興隆啊!!
好令女呢!
係呀, 唔記得講, christy入咗柜底要用零食引返出嚟架! 你先放一粒係柜底, 入少少, 佢會用手撥入d自己食, 之後再一粒出少少佢又撥入去, 再一粒近出面佢先爬出嚟架! 不過記得唔好同佢阿媽講話係我教你, 因為佢喺屋企有嚴格嘅食量控制, 3粒已經超晒額架嘞! 你覺唔覺佢身形好fit好適中呀?
其實我覺得Christy仲有空間肥d....因為以佢的骨架,我第一眼直頭覺得佢有點瘦.:p
哈哈...佢阿媽會入黎睇到的,你死梗了.XDD
嘩嘩嘩！呢度上到網，仲見到菲菲幫Christy影靚相，真係發達喇！妳好犀利呀！
佢家陣咁適服，我地好妒忌佢呀，難為我地尋晚天寒地凍係度「目訓」街，攪到週身骨痛‧‧‧
係呀，阿女係唔鐘意梳毛，晚晚都打把梳架，或者梳兩下食下零食會好D既，人人都知道佢既死穴，真係醜死怪呀!
黎緊呢個星期，繼續麻煩菲菲喇！
樣樣都圓碌碌..好令好過癮呀^0^
嘩哈哈哈....我知道點同Christy梳毛了!!!就係趁佢開飯,食緊餅餅時梳,佢完全唔得閒理我呀!!XDDD
仲有,影相時發現佢對毛毛/閃閃棒的興趣不大,所以好難引到佢望鏡頭,昨夜開左條魚柳比佢做宵夜,佢好專注咁望住條魚柳,嘿嘿,原來我應該用魚柳棒棒黎引christy望鏡頭丫!過兩晚得閒實驗一下先,咭咭~~~~
哦...... 你死嘞! 你嘈到佢肥晒, 下次佢阿媽再出trip都唔交比你嘞! 佢阿媽比好少佢食架咋, 你可以趁佢食嘢時梳毛, 一定係比咗好多佢食啦!
哎吔~~~阿女渡假有咁多野食，遲D實唔肯返屋企喇！XD
發佈留言
<< Home