貓鐘點 - 第三天的工作

首先回帶到第二日貓鐘點工作, 影大頭貓相, 等 SA 媽咪止一止咳先.

不過我對這幾張大頭貓相不太滿意, 我要再影過啊!!!

呵呵呵, 我還有 3 天, 慢慢影都得啦!!! XDD

*** *** *** *** ***

講返今日, 第三天的工作, 無乜特別,

開罐罐, 添糧添水, 剷屎屎做完後,

就抺眼仔, 見囡囡眼仔痴左毛, 就抺佢先,

一抱上手, 突然傳來 ...... 咕咕咕 )))))))

嘩, 囡囡有咕咕聲呀, 一邊抺, 囡囡一邊咕,

抺完眼我繼續抱住佢, 囡囡都唔走由得我抱呀,

呵呵呵 ........ 我足足抱左成個幾兩個字先捨得放手. XD

MOREMORE抱佢時雖然無咕, 但當佢係柜頂時,

我摸佢頭仔, 佢會叫聲我, 然後搖下尾巴, 好開心的樣子.

PINKPINK就比較驚青, 所以我就無抱佢了, 怕嚇親佢,

只用紙巾印下眼水就算數了.

冬冬嘛, 好靚仔, 無眼屎, 毛毛好整齊, 所以不用我打理. XD

.
第三日工作完畢, 好滿足.