百厭星葆葆

葆葆做左手術後, 胃口比之前還要好, 食多了好多, 恐怕會越黎越肥.

但衰妹好百厭, 困佢係書房, 就是不想佢跳上跳落整到傷口, 但佢還是想盡辦法跳跳跳. 書枱已經放左雜物, 昨晚一拿開雜物想用書枱, 轉個頭佢已經跳左上去, 我望下佢個傷口, 原本已變左深啡色的傷口, 有一小段傷口有丁丁咁多變左紅色, 激死我喇.

夜晚瞓覺時, 佢係我個身上搵位起碼搵成十幾分鐘才肯停下來, 大脾試下, 手臂又試下, 心口又試下, 最後個靚位係........我條頸同肩膀位置, 再加半邊枕頭, 仲要成個背部緊貼果隻, 真係識揀.